鄧佩儀張名雅勢爭馬國明
早前舉行的《2013國際中華小姐競選》順利誕生，冠軍由溫哥華的鄧佩儀奪得、亞軍是吉隆坡的陳楚寰、季軍則是香港代表張名雅，三位佳麗雖然來自五湖四海，但(目及)仔眼光卻一致，齊齊冧爆近期炒得火熱的「筍盤」馬國明，馬國明似乎又多了幾位「候選佳麗」。
近期「筍盤」馬國明的「候選佳麗」愈來愈多，除了吸引到張名雅在決賽當晚公然向擔任評判的他「示愛」，原來冠軍鄧佩儀和亞軍陳楚寰同樣也「冧爆」馬國明，有意向「筍盤」入市！
鄧佩儀坦言因劇集《On Call 36小時》而喜歡馬國明，欣賞他的演技及劇中專業形象，問她揀男朋友會否要似馬國明？只有20歲的她笑說：「以前唔想分心學業，所以未拍過拖，揀男朋友都唔會着重外表。」鄧佩儀還在溫哥華修讀大學三年班，尚有一年多才畢業，故當選後要回溫哥華與父母及學校商量，才決定會否來港發展：「自己鍾意讀書嘅，但係經過今次參加選美都好享受演藝訓練過程，要再好好考慮。」
陳楚寰挑戰做打女
陳楚寰也欣賞馬國明的才華及為人友善，問她可希望與對方拍劇合作？陳楚寰說：「希望！自己想做有挑戰性嘅角色，或者拍動作片。」她藉今次選美認識到很多朋友，又與佳麗一起吃「臭名遠播」的臭豆腐，她笑謂難忍臭豆腐的味道，惟鄧佩儀則吃得津津有味。
張名雅在華姐決賽夜當面向馬國明「示愛」成為熱話，原來馬國明是張名雅的大學師兄，她說：「其實我唔係表白，只係好欣賞佢嘅英俊瀟灑，只係以fans心態，其實馬國明係我UBC以前嘅師兄，聽講佢以前喺大學做話劇。」港姐冠軍張名雅「華姐」只得季軍，她說：「唔會失望，其實入到Top 5已經好開心，華姐個個都係冠軍級，比港姐難好多，之前自己綵排都扭傷腳，練舞都痛到想喊，所以滿意成績。」
採訪：影視組
攝影：吳文聰