JC『蜜』謀返美孖男友慶生

JC早前返美國探男友Mr. Bond又帶他見家長，她大讚男友與剛出世的姨甥相處融洽：「因為佢隻手多啲肌肉，個BB好鍾意瞓落佢隻手臂度，估唔到原來佢湊BB都咁叻！」

最驚飲到嘔

甜蜜短聚後，JC又要投入香港緊湊的生活節奏，日前出席「酒．在快活谷」活動時終於可以鬆一鬆，邊飲酒邊分享與男友的趣事，她說男友負責做柴可夫，每次與她外出都滴酒不沾，卻樂於睇住JC飲：「不過我都唔會飲得太多，因為我會飲到塊面好紅，同埋我好驚嘔嘅感覺，一定唔會畀自己飲到嘔。」

放大圖片	蒙住雙眼的JC，玩遊戲時輕易分辨出紅酒及白酒，她隨着音樂起舞。

拍拖上山頂

4月生日的JC，希望到時可以再請假返美與男友慶祝，更期待男友可於暑假來港玩：「我已經叫咗佢嚟好多次，不過佢成日都好忙，如果佢嚟香港，我一定會帶佢四圍去，例如去山頂、西貢或者去行吓山，就算簡簡單單睇吓夜景都好靚。」工作方面，JC將接拍動作片，平時熱愛運動的她可以趁機大顯身手，名正言順做打女。

文：專案組

攝影：吳文聰

場地：香港賽馬會