梁烈唯望唔真胡定欣身材
薛家燕、黎芷珊及梁烈唯等昨日出席無綫為員工舉辦的《三月星辰》生日派對，快將34歲的唯唯希望一切順利。早前惹上官非的唯唯，被指會結婚沖喜，他笑言：「我睇過啲酒席已經排到兩年之後。（影到揀鑽戒？）嗰次係買頸鏈，補送情人節同聖誕節禮物，不過我都順便睇吓啲鑽戒。」他坦言今年可能求婚，盼36歲前成家立室。提到胡定欣在劇集《戀愛季節》谷行四吋事業線色誘他，唯唯笑說：「拍嗰時唔覺佢咁勁。（你眼甘甘望實！）當時太近距離，對眼對唔到焦，淨係好矇咁睇到一團嘢。不過都恭喜佢，終於都畀人知佢係一個有身材嘅女人。」
