甄子丹1.35億掃house贈老婆

政府剛剛推出新辣招遏抑樓市，昨日就有來自地產界消息透露甄子丹以1.35億港元購入摩星嶺道御海園獨立洋房，該物業由2007年至今已升值一倍，據資料顯示詩詩佔有物業八成，而子丹佔兩成。

未定自住定放租

汪詩詩昨日接受電話訪問時坦承此事，不過還未決定豪宅用來自住還是放租，她說：「其實我一直都有意搬過一間大啲嘅屋，因為方便老爺同奶奶返香港時，有大啲嘅地方住。依家買住先，實際係自己住定放租仲未定。」

詩詩自言向來有睇樓癮，無論是寫字樓、工廠大廈還是住宅也有興趣。對於政府剛公布持有本地住宅的人士購買住宅物業，要繳付雙倍印花稅，詩詩表示早在政策推出前已看中該物業，可謂睇準時機，成功避過辣招。政府於上月22日公布新一輪樓市降溫措施，據業內人士指出，上述單位成交文書日期為2月26日，估計交易在措施公布前落實，子丹足足慳了約573萬元！

不過，問詩詩認為以1.35億買入豪宅是否合理？她就大呼：「梗係唔合理啦！如果同美國比，喺美國可以買到米高積遜住嘅大屋，仲可以養埋佢啲動物。點解政府唔早啲出招壓抑樓市，依家先出，樓價已經咁貴。」

清晒袋要老公捱

詩詩坦言原本打算買舖投資，但由於新買的物業售價太貴而令她打消買舖之念，她笑言：「我諗過買舖o架，但最後都係以家人同老人家為先，所以買咗呢個物業，但個價咁貴，依家已經冇晒錢，要努力搵錢。」向來大情大性的她更自嘲說：「我呢個老婆真係傻傻哋，買咁貴嘅樓，畀啲壓力老公去拍多啲戲賺錢供樓，哈哈，唔畀佢休息！」至於子丹對置業一事則不作回應。

雙倍印花稅

樓價狂飆，政府為打擊炒風，自推出買家印花稅及加強額外印花稅後，上月22日再加推六辣招，非本港永久居民或已持有本地住宅的人士購買住宅物業，需繳付雙倍印花稅，令物業成交的成本倍增。

「雙倍印花稅」由以往200萬元或以下的物業，印花稅由100元增至物業的1.5%，其餘物業則徵收「雙倍印花稅」，當中最高稅率由4.25%增至8.5%。

文：名人組