何潤東送安全套畀張鈞甯

藝人何潤東為代言安全套出席宣傳活動，未有女友的他雖獲無限量供應安全套，卻苦無用武之地，只好轉贈予曾傳緋聞的台灣女星張鈞甯。何潤東笑說：「我多數用嚟送畀朋友，張鈞甯都有送，不過佢話冇機會用，惟有當氣球吹！（咁你有冇用？）我咁大個仔唔通仲扮純情話冇用過咩，如果冇用過，依家可能失驚無神多咗幾個仔仔女女，但呢排真係冇機會用。」何潤東坦言只當張鈞甯是男孩子，不擔心對方誤會他另有所圖。有指何潤東去年密密拍劇進帳1.4億新台幣（約3,700萬港元），他笑笑口默認，卻不覺因賺得錢多變「筍盤」：「感情唔係睇荷包，我都係賺少少錢啫，仲要努力過日子。」