楊受成讚阿澤開竅

楊受成前晚出席晚宴時大讚旗下藝人杜汶澤愈來愈出色，他亦會開多些戲給阿澤，他說：「嚟緊會同一間公司合作，會交畀阿澤策劃，佢做得好好，開咗竅。（佢套戲《低俗喜劇》畀人鬧？）其實個劇本最初係攞嚟我公司，不過題材誇張咗少少，唔係咁啱英皇，佢咪出去搵其他人投資。（可唔可惜？）唔會嘅！（套戲畀人批評？）冇所謂，拍戲係賺錢，依家又賺錢又叫好叫座。就算有啲人覺得低俗都冇所謂，電影係娛樂啫。（如果再有類似呢類電影題材你會唔會投資？）真係睇公司，我哋公司唔拍三級片，唔拍粗俗，即係屎尿屁嗰啲。」
楊受成與太太陸小曼一起赴宴。
楊受成與太太陸小曼一起赴宴。

另外，利孝和夫人則在李桂蘭的陪同下赴會，她的身形明顯比前消瘦了不少，且示意不接受訪問。

李桂蘭（右）對利孝和夫人照顧周到。
  • 李桂蘭（右）對利孝和夫人照顧周到。