鄺美雲維繫感情靠開餐
鄺美雲（Cally）前晚為「珠寶之夜」交流晚會暨2013國際珠寶設計大賽頒獎典禮擔任評判，而名模Rosemary和鍾浠文則擔任示範模特兒。由於3月14日是白色情人節，問Cally會否跟男友林達民慶祝？她笑着反問：「乜有咁多節日咩？」至於復活節會否跟男友出埠？她就未有計劃，指雙方都很忙。問如何維繫感情？她說：「我同佢放工一齊食飯。」
另外，早前她與男友到泰國旅行被拍到穿情侶裝，她笑言：「我知畀人影，去到當地見到衫幾得意就買，畀人認出都係一種結緣，我有隨喜心態，唔會介意，反而覺得好親切。（同男友昇華到結婚階段？）未諗，男友冇講過。（結婚會唔會幫自己設計珠寶？）都未發生，依家都有幫人設計結婚首飾，幫人作嫁衣裳都幾開心，用幸福感染幸福。」
