阿倫寸阿叻 名列前茅
譚詠麟（阿倫）與陳百祥（阿叻）前晚率領一眾後輩，並分成兩隊於無綫節目《決戰一分鐘》藝人版大玩遊戲，阿倫領隊的成員包括「細細粒」陳嘉佳（小寶）、鬼妹仔陳明恩、鄧建明（Joey Tang）及彭健新，故他笑指隊名叫「大石砸死蟹隊」，而阿叻的隊伍則由歌手狄易達、蔚雨芯（Rainky）、港姐岑杏賢及朱千雪組成。
衣衫不整
當晚阿倫寸盡全場，錄影前先向主持李克勤說：「福祿都喺度，今晚有排你『受』。」繼而向阿叻挑機，揚言夢想是打敗對方，更揶揄他全港最叻、名列前「茅」（茅躉）！玩「撞板乒乓」遊戲時，不斷走錯位嘥時間的Joey，惹來阿倫不滿兼鬧爆：「醒啲啦，叫咗你咪郁！」岑杏賢則猛向阿叻的下體拋乒乓波，意識甚不文。當Rainky與小寶鬥Fing頭時，擁32D上圍的Rainky跳到衣衫不整，後者則落力Fing至甩頭甩髻，場面惹笑。最終勝出的阿叻隊獲得超過十萬元獎金。
想搣小寶
事前，阿倫笑言輸了要向隊員體罰，並謂：「小寶多肉唔怕，搵啲位落得腳踢，我鍾意搣面，搣到佢流口水。」提到曼聯稍後訪港，阿倫表示撲唔到飛。而克勤多年前曾送紀念品給曼聯卻遭嫌棄，身為曼躉的他自此被網友封為「送禮勤」，他坦言無懼再送禮︰「做咁耐娛樂工作都預咗，最緊要大家開心。」
文：影視組