薛凱琪拍賣血漬裙嗌鹹濕

薛凱琪昨日出席拍賣活動，將日前在歌曲《冷笑話》MV裏，曾穿過的兩條裙公開拍賣，並將款項撥捐作慈善用途，最後由兩位粉絲投得靚裙。其中一襲是Fiona在MV中扮「鬼新娘」時DIY的血漬婚紗裙，雖然已將婚紗乾洗，但仍見到裙上「血漬斑斑」。在交收期間，鬼馬的Fiona「胸襲」粉絲，將低胸裝拼在粉絲胸前，令她尷尬不已。

拒售體味二手衫

出名是愛貓之人的Fiona指善款將會幫助小動物，預告有意繼續將MV戲服拍賣籌款，提到是次拍賣的低胸裝時，Fiona自踩身材說：「兩位粉絲都係大慈善家，因為嗰條低胸裙嘅Size唔係所有人着到。（即係咩Size？）心意啦，心意啦，同銀碼一樣都係唔會透露。」問Fiona若有男粉絲要求高價買她的體味二手衫裙，她會怎樣？她耍手擰頭說：「我哋係賣心意，呢啲偏門心態就唔好啦，呢樣嘢好色情、好鹹濕。」

薛凱琪前晚為香港乳癌基金會拍廣告。	薛凱琪（左）昨日讚投得血漬裙的粉絲是大慈善家。	薛凱琪展示另一套由粉絲投得的衫。

怕男醫生做婦檢

另外，Fiona前晚為香港乳癌基金會拍廣告，並自爆曾被男醫生做婦科檢查：「之前畀男醫生檢查會好尷尬，都係揀女醫生多。」談及好友杜汶澤在一片罵戰中封香港電影評論學會大獎的影帝，問會否想拍有關中港矛盾的電影？Fiona說：「拍戲係講藝術，唔想涉及政治咁複雜。」

文：音樂組