古天樂遭追殺 血濺曼谷

古天樂、張家輝、劉青雲、盧惠光及林國斌等，前晚在泰國一處距離曼谷市中心約四十分鐘車程的荒蕪之地，拍攝寰宇電影新片《掃毒》，電影公司選了一幢曾發生多宗命案的凶廈，拍攝古天樂遭盧惠光及林國斌駕車追殺，張家輝及劉青雲趕到營救的情節，危樓四面牆壁皆已被鑿去，古仔需要吊威吔凌空演出，而尾指仍無法伸直的家輝，則要跳上車頂將古仔拉回危樓內。

請醫療隊跟場

古仔曾因拍攝《新倩女幽魂》而弄斷腿部韌帶，早前拍攝《逃出生天》時又不慎傷手，但他仍堅持親身上陣，穿上緊緊的保護衣再繫上威吔，拍攝遭車輛攔腰逼向樓宇邊緣，身懸半空的他在十層樓高的空中吊吊fing搖搖欲墜，險象環生，結果在其中一次拍攝中，不慎左手擦傷，血流如注，幸劇組安排的跟場醫療隊及時治理，古仔傷勢未有大礙。古仔說：「其實呢次都唔算係從影以來最辛苦、最危險，嗰時拍《保持通話》差啲連人帶車衝落山，拍《寶貝計劃》一場救BB戲，又差啲撻落嚟，先係最危險。今次係件保護衣箍得好緊，搞到我好難呼吸啫！」

古仔親身上陣被吊到十樓外凌空演出，家輝則負責營救。	古仔在泰國的危樓上拍攝高難度動作，完全搵命博。	放大圖片

家輝玩高難度

家輝對於自己尾指變形仍要演出高難度戲份，他說：「唉！幾廿歲仲搵呢啲咁嘢搞！我依家隻手指尾仲係Z形，可以屈埋，但伸唔番直，（仲要你去救古仔？）咁我活動能力仲OK！我未有時間做手術，拍完呢套戲點都要抽時間做手術。」

古仔傷手經跟場醫療隊治理後，傷勢無大礙。	古仔親身上陣拍攝被車撞鏡頭，險象環生。	眾人在自殺勝地取景，不敢亂開玩笑。
袁泉抽得好籤，不用拍危險戲。

林小強身為電影監製，對古仔及家輝的專業精神讚口不絕，更指這是雙方一直保持合作的原因之一，他更透露已為演員們各買了一千萬保險。大隊將會在泰國逗留一個月，唯一女角內地女星袁泉則抽得好籤，不用拍攝搵命博的危險戲份。