杜汶澤5萬變幾百 降價任踩
杜汶澤主演的《低俗喜劇》，因一篇被指激發中港矛盾的香港藝術發展局首屆「ADC藝評獎」金獎文章，而再度被炒熱。買了該片播映權的有線電視也乘勢搞徵文比賽，獎金同為五萬，但不是港幣而是韓圜（約356港元），幽默感實在爆燈！阿澤被問有線出手是否太低他說：「都唔可以咁講，始終都係一種鼓勵性質，我冇所謂，可以寫我乜都得，最緊要帶出言論自由。」
唔會繼續加場
另昨日阿澤和導演彭浩翔於九龍灣繼續為電影《低》片慈善場謝票。彭浩翔甫到現場便發揮搞笑本色，對首次觀看《低》片的觀眾謂：「多謝你哋破處！」而《低》片是第二次上映，但依然有非常高的叫座力，更有觀眾表示已看了八次！雖然電影受歡迎，阿澤和彭浩翔卻指應該不會加場。
緩和社會氣氛
提到批評《低》片而得到藝評獎獎金的文章時，阿澤謂：「我覺得好多嘢香港人都盡量配合，冇盲目歧視嘅成分，我冇睇過篇文章，不過我覺得已經傷害咗香港人！」又指因現在香港社會需要喜劇，才會再次上映《低》片，他表示：「拍得切嘅想上部新戲添！拍唔切所以拎返上年試過成功嘅喜劇出嚟，想社會氣氛和諧啲！」
文：影視組