城城大讚樂霏相襯

郭富城前晚以品牌大使身份為「浪琴表香港馬術大師賽」頒獎，他直言感榮幸。城城讚當晚是完美的馬術盛宴，就連好友沈嘉偉都找他撲飛：「佢小朋友有學騎馬，騎術運動冇分階級年齡。（將來會叫小朋友去學？）將來嘅事未諗，反而我想學，但冇時間。」問城城下次會否帶緋聞女友熊黛林（Lynn）去大開眼界？他說：「呢啲唔講。」他並透露會把有關馬術的構思放到個唱中。
城城為馬術比賽任頒獎嘉賓。
城城為馬術比賽任頒獎嘉賓。

提到好友余文樂與吳雨霏拍拖，城城說只要阿樂開心便好，亦會支持，而拍拖亦是正常事，問城城是否早知二人拍拖？他陰陰嘴笑道：「我唔講o架。（阿樂帶過吳雨霏一齊食飯？）呢啲唔講。（見過佢哋一齊？）都話唔講。」城城又點頭示意兩人相襯。

城城很想學騎馬，但慨嘆沒時間。
  • 城城很想學騎馬，但慨嘆沒時間。