唐詩詠大懵唔知行車證過期

唐詩詠前晚被發現違例泊車，並因車頭顯示的行車證過期而遭連環抄牌，昨日她錄影無綫節目《一級美味》，受訪時坦承是自己疏忽：「多謝大家提醒我！我都係貪方便先周街泊，行車證過期都係因為忙，冇留意而忽略咗！（忙處理緋聞？）唔關事。（大頭蝦？）係㗎！（緋聞男友馬國明話保你？）多謝佢保我，但我想佢提我囉！佢事後都有打電話叫我記住去搞個證，我交番錢就得㗎啦！（另一緋聞男友崔建邦呢？）冇打畀我！」由於早前馬國明間接踢爆她與崔建邦是一對，詩詠稱有就此事問對方，但對方解釋自己意思非報道所指。