祖兒十米高台冇腳震

雲集巨星公演一場的「澳門新濠天地獨家呈獻世界級娛樂匯演『非凡之旅』」，前晚在水舞間上演，在一票難求的情況下，二千個座位全場爆滿。以一襲綠色長裙登場的祖兒，站在十米高台上獻唱，依然面不改容，大會安排兩名猛男做祖兒的「左右護法」，不過她腳踏6吋高跟鞋，令觀眾看得非常牙煙！其後，她又化身「冰雪女神」繼續表演，唱畢三首歌後更有fans大嗌encore，恍如個人迷你騷。

劉璇拖李小鵬對唱

繼而到奧運跳水金牌名將吳敏霞、何姿、何冲等人相繼表演跳水，眾人在十米、五米和三米彈板不斷穿插，「奧運級」零水花的演出令全場觀眾拍爛手掌！身穿粉藍色露腰短裙的劉璇和李小鵬則手拖手甜蜜合唱，令人驚喜的是何冲亦大開金口獻唱陳奕迅的《兄妹》，歌喉不俗。

放大圖片	祖兒爬上十米高的跳水高台表演，大會即出動兩名猛男蹲下傍住。

最敬佩嘅「生物」

在無任何安全措施下，企上十米高台，祖兒受訪時坦言驚驚哋：「冇威吔o架，靠兩個猛男頂住，好彩我個馬紮得好穩。」她笑言為今次演出準備了「秘密武器」:「我特登着對粗踭鞋，雖然都成6吋，不過我呢啲食過夜粥唔會腳震。」

劉璇拖住李小鵬甜蜜合唱。

劉璇賣力演出，做出一字馬動作。

今次有幸與金牌運動員近距離接觸，祖兒興奮過度說：「運動員係我最敬佩嘅『生物』，係動物先啱，唔係……應該係人物。」她透露計劃於年尾舉行跨年演唱會，又乘機向眾運動員偷師：「一招半式我一定學唔到o架喇，不過都可以攞吓靈感嘅！」當記者笑她穿着男友劉浩龍最愛的綠色服裝時，春風滿面的祖兒即冧爆地說：「係啊！」旁邊助手則說：「係我幫佢揀。」