Baby搵過億買風水屋
宅男女神Angelababy今日24歲生日，揚言今年要搵億元財富置業。前日她與一班fans提早慶生，Baby見到fans十個月大的BB即開心抱着，但BB不領情皺着眉。當晚她又出席隸屬的模特兒公司春茗，經理人Kim預備一個巨型黑色大蛋糕，給Baby與形象設計師Ti Ti Kwan一同慶生，這已經是Baby今年收到的第八個蛋糕。
Baby透露今日會先去深圳再飛巴黎，生日在工作中度過，肖蛇的她被指犯太歲，她說可能會是有變動，問變動是否結婚？她說：「唔好催我，覺得係性格變咗，以前覺得生日好緊要，依家覺得做嘢緊要啲，24年來第一次生日做嘢，今年目標搵9位數字，想買咗租住嘅單位，因為風水好，（男友黃曉明同你慶祝？）佢行唔郁，撐唔到搭飛機，（想收男友乜禮物？）我叫所有朋友唔好送禮，（送鑽戒？）自己買都得，（富二代追你都會婉拒？）自問係一個……總之我係好人。」
