汪圓圓禁加讚嗌老婆
甄子丹姨仔汪圓圓自與玩具大王兒子蔡加讚訂婚後，時刻流露幸福之情，但圓圓卻擔心籌備婚禮的過程中，二人會出現不一樣的「火花」，認為會因想法不同而與加讚有拗撬！
汪圓圓昨日出席時裝活動，同場還有模特兒夫婦Anthony及Jocelyn、Lisa S.、鍾浠文等。圓圓提到日前被拍得與姐夫甄子丹和姊姊汪詩詩齊齊睇婚紗，她承認有睇過，但未揀定，她說：「有好多嘢搞，我新年同咗加讚屋企人及自己屋企人去新加坡玩，好開心，但唔想煩住自己放假，所以喺呢個旅程冇傾到婚事。」更笑言從未結過婚，不知道原來有這麼多事情要籌備，而加讚亦大部分事情交由她決定。
想法唔同驚有拗撬
圓圓表示害怕在籌備過程中，與加讚會有「火花」出現，她說：「我同佢唔會嗌交，但籌備婚禮怕會有火花，因為大家有唔同想法，驚會有拗撬，但都係好事，測試我哋點樣解決問題。」問二人訂婚後，感情是否更勝從前，以老公老婆相稱？她甜絲絲說：「係close咗，但我唔畀佢叫我老婆住，因為結婚後叫先有意義。」
Lisa S.怕分娩時刻
而同場腹大便便的名模Lisa S.，坦言覺得BB帶給自己好運，但自己還未準備好BB用品。提到將剖腹還是自然分娩？她指要最後一個月看BB的轉動情況來決定，並坦言兩種分娩方法都很可怕，最好是一覺醒來就見到BB。被問到有否留意政府的財政預算案？她說：「冇睇，只知埃及熱氣球墜毀單新聞，so sad！」
文：名人組