黎耀祥心淡：缺乏長遠計劃
財政司司長曾俊華昨日交出一份沒有驚喜的財政預算案，眾星齊呼冇料到！三屆視帝黎耀祥狠批財爺欠缺新意，更指：「算啦，政府不嬲冇長遠計劃！」至於周海媚（海味）則認為即使政府推出措施幫助草根階層，只是治標不治本，根本沒有太大幫助。
無論基層或中產市民都對財爺曾俊華的財政預算案甚有期望，可是財爺昨日公布的預算案沒有驚喜，不少藝人更認為政府冇新意兼令人失望。視帝黎耀祥在電話說：「聽到都冇新意，又冇驚喜，唔係話一定要派糖，但應該要落藥改善民生，例如為基層帶多啲福利、改善教育、增加建設。唉！算啦！香港都冇長遠計劃！」問到政府早前再出辣招壓抑樓市，祥仔坦言影響了他的置業計劃：「本來係想再買，不過政府出招，相信樓價會下調，但都係要睇定啲先！」
幫唔到低下層
至於周海媚現時雖長居北京，但因為要在香港拍劇，所以都要交稅，對於預算案主要幫助低下階層，她說：「以我所知真係唔係好幫到！其實個人免稅額方面都唔係好幫到囉！」而謝天華亦加多腳踩預算案，他說：「幫到我哋唔多，都追唔到通脹，依家乜都貴，奶粉都畀人搶貴晒，香港人次次都不滿o架啦，咪又要接受！其實我都唔知上年自己得到乜嘢得益，可能太忙感受唔到！」
娜姐讚益長者
不過，亦有藝人認為預算案有建樹，周秀娜說：「如果派多啲糖就好喇！個人免稅額減多少少仲好，令大家負擔冇咁大。生果金出雙糧都好呀，老人家為社會付出咁多，係應該有回報！」
文：專案組