基仔祖兒大四喜揚威IFPI

古巨基、容祖兒、Twins、林欣彤、羅力威、達明一派、糖兄妹、許廷鏗和鍾嘉欣等，前晚出席《IFPI香港唱片銷量大獎2012頒獎典禮》錄影。基仔與祖兒各自贏得4個獎項，而英皇娛樂更橫掃22個獎項，成為全晚大贏家。基仔透露正忙於展開本年度一連串的工作，將投入灌錄廣東和國語專輯，還會拍電影：「今次同有分量級前輩合作，我喺戲入面做警察，依家要積極操大隻啲，要有腹肌嘅，其實從未擁有過，只係有過老鼠仔。」

自認「後輩」學戀愛

至於祖兒透露正計劃今年理想推出一張大碟，當中亦包含國語歌，她說：「因為儲到大家對國語歌種渴望，係時候推出嘞。」對於余文樂返港交代與吳雨霏的關係，她說：「我期待係一個好消息，最緊要佢哋開心。依家年代唔同咗，大家希望藝人拍拖。」問她會否以「過來人」身份向樂仔分享經驗？祖兒笑說：「唔關我事，我都係『後輩』，仲有好多嘢要學習。佢哋各自又唔係第一次拍拖。（你又知？）我睇新聞同關係表囉。」

基仔擸4獎，心情大好。	任司儀的黎芷珊為節目揭開序幕。	陳僖儀以大露背裝上陣。

向梅姐哥哥致敬

頒獎禮上，基仔跟祖兒更向兩位已故歌手梅艷芳和張國榮（哥哥）致敬，獻唱歌曲《親密愛人》、《為妳鍾情》和《緣份》。大會更向顧嘉煇頒發「IFPI香港音樂文化貢獻大獎」，以表揚他在音樂界的成績和貢獻。

文：影視組