黃智賢唔怕祖藍搶戲
黃智賢、王祖藍及萬綺雯等昨在將軍澳電視城為新劇《食為奴》造型，近年首次擔任第一男主角的黃智賢，將頂替林峯演出，他說：「林峯同吳卓羲都換晒人，今次因為林峯、吳卓羲推戲，機緣巧合先接到，但嚴格嚟講我唔係第一次做男主角，《真命天師》已經做過。（擔心祖藍太搶戲？）唔驚，各有各精彩，期待同佢合作。（努力拍劇爭獎？）幾時播都未知，會好珍惜今次機會。」
祖藍在《老表，你好嘢！》中自編自演，但卻遭其他編劇狂插踩過界，祖藍語帶相關指今次「零」參與幕後製作：「仲未畀人話夠咩，今次齋演。」《老表》班底今次可謂撐起《食為奴》，祖藍笑說：「其實得四分一係，默契會好啲，我哋會努力破除小圈子。」萬綺雯笑謂事前煞有介事問監製為角色設定的年紀，她笑說：「監製話角色係25、26歲，唔好再話我係中女。」而祖藍、黃智賢及高鈞賢齊在微博晒光頭照。另外，昨「Yahoo!搜尋人氣榜」公布去年11月至今年2月之結果，祖藍與萬綺雯同打入第二位。