Ana R.享受男友服侍

Ana R.、Jessica C.（JC）、楊柳青、伍靜麗（Angie）等昨日出席其模特兒公司的聚會，Ana R.表示新年在香港過，還親自下廚煮了不少美食給男友，被問到幾時同男友結婚，她說：「我都等緊佢幫我戴戒指，但到依家都未囉。（佢有冇求婚？）未有行動，但佢有同身邊朋友講，只係冇同我講，佢求婚我一定答應佢。」

獲JC讚廚藝

Ana R.表示就算男友求婚，也希望訂婚先，她說：「我想訂婚一年。（咁長？）咁最少都半年，我好想試吓一起身，就要求佢幫我沖杯咖啡，然後話，你想我做你太太，當然要沖杯咖啡畀我先。」

楊柳青（左）與伍靜麗（右）亦有參加公司聚會。

JC（右）大讚Ana R.廚藝了得，更鼓勵對方開餐廳。

另外，四女異口同聲表示新春期間狂食，JC說：「我同Ana住，食咗好多嘢，佢整嘢真係好好食，成日叫佢快啲開餐廳。」JC透露因聖誕才到美國探男友，所以新年留港，被問到男友會否來港探望她，她說：「但佢都有啲驚，始終佢唔係做呢行，驚嚟香港會有人影佢或跟蹤佢。（你兩個點樣維繫感情？）會多啲同男友視頻同傾電話。」

新年食「撈起」

此外，來自馬來西亞的Angie，同樣在港過新年，她透露馬來西亞的農曆新年十分熱鬧，新年期間必定會食「撈起」，代表風生水起。而楊柳青透露今屆華姐佳麗中有個叫楊柳青青，即時有不少人在她的instagram留言，問其是否她的家人，令她哭笑不得。

文：名人組