張文慈夠食放棄搞民宿
藝人林熹瞳（Rachel）昨日為自己有份投資的製作公司開新春發布會，好友張文慈（Pinky）、王晶女兒王子涵（Ada）均有來撐場，現在單身的Pinky表示擇偶條件只要愛錫她和家人，另表示曾想在台灣搞民宿酒店：「不過我好懶又怕兼顧唔嚟，而且我依家登台剪綵都夠食。」
而早前嘲諷張暖雅經常亂闖派對的Ada，其後張暖雅亦反擊指Ada多管閒事，兼未夠班批評她，Ada對此表示：「我當時冇指明道姓，夠唔夠班唔係自己講，我亦都唔覺得自己唔夠班。（會收斂下唔再四圍辣着火頭？）我都係伸張正義，件事都過咗咁耐，唔想再回應，但係如果佢冇做過嘅，反應唔使咁大。」問到是否介意和張暖雅合作時，Ada即說：「最好唔好啦！」
