馮德倫搶先私有化 默認戀情

馮德倫（Stephen）與舒淇相識多年，但早前才傳出二人拍拖及秘婚消息，舒淇更不時於微博剖白內心世界，字裡行間亦有不少帶有愛的訊息；她近日出席活動時，對秘婚一事未有正面回應，更有指她趁完成新片《西遊．降魔篇》外遊，同行的正是Stephen，但Stephen昨日出席電視節目活動時卻一一否認。

直認經常見面

雖然一方面否認與舒淇外遊及秘婚，但問到兩人是否拍拖時，Stephen卻有點避忌謂：「其實我好耐冇蒲頭，不嬲我都唔會將感情生活同大家分享，我會keep住私人嘢唔講。（結婚都唔講？）係呀！（咁對個女仔唔公平！）咁當然冇結婚，但都未必會選擇同大家分享。（依家單身定拍緊拖？）私人嘢唔講。（有冇見舒淇？）好朋友梗會成日見面，只要大家喺同一地方工作就會見。」Stephen坦言有欣賞《西》片，還大讚舒淇演得非常好。對於星爺疑對舒淇嗒糖，Stephen笑謂：「好多人都對佢嗒糖啦。（對你造成威脅？）呢啲電影宣傳手法明白嘅，每次都會有啲point畀大家睇。」

談到李安再次奪奧斯卡「最佳導演」為華人爭光，Stephen也戥對方高興，揚言會視對方為奮鬥目標，更謂：「李安第一、二部喺美國拍嘅電影，我已經好鍾意，華人導演去拍外國小說咁犀利，真係實至名歸。」

元宵「公開」愛人

此外，周星馳執導的《西》片，於內地上映15天票房已超越10億，連續3周成為單日票房冠軍，港澳票房則直逼3千萬，日前星爺到深圳宣傳《西》片，適逢元宵節，有觀眾趁機問他還愛朱茵嗎？星爺聞言後竟高呼：「我愛舒淇！」全場人士拍手叫好。至於舒淇昨日亦有更新微博，大讚已3奪奧斯卡影帝的丹尼爾迪路易斯很厲害。

文：影視組