周秀娜咀月老求專一男友
「宅男女神」周秀娜與前男友陳偉成分手後，即與對方畫清界線，專心寄情工作。但她並未對愛情死心，為覓得好姻緣，更主動親吻「月老」盛智文面珠，望盡快找到一個專一的好男友。
周秀娜昨日以一身希臘女神打扮，出席「海洋公園海陸空極速約會派對」，而以月老造型現身的盛智文則為她牽紅線，她更主動親吻對方面珠，笑言：「錫完係咪有姻緣？」她又坦言擇偶條件是專一，似是暗寸前男友陳偉成（Avis）。
享受單身生活
提到她剛搬家到賽西湖，問是否為了離開傷心地？周秀娜即否認其事，並笑言：「唔係，我走得去邊。我有太多嘢，屋企人趕我走。（Avis話佢唔會搬？）佢嘅嘢唔清楚，我展望將來。（佢有冇搵你？）冇聯絡。（有傳佢去咗你屋企，你將佢趕走？）咁恐怖？今日唔係7月14喎。」她坦言享受單身生活，有不少朋友相約她吃飯逛街，但可惜她工作太忙。提到她被麥玲玲批今年有爛桃花，她說：「我希望人緣好啲，工作又順利啲。」
想同栢芝合作
而隨即於昨天飛往北京公幹的周秀娜，坦言會與張栢芝經理人公司洽談合作事宜，續說：「遲啲會公布，主要都係拍電視劇同電影，希望同栢芝合作。」她又表示自己正在拍攝電影《爆3俏嬌娃》，因有不少動作場面，左腿更瘀青了一大片。提到她日前於杜汶澤的talk騷上，被對方帶「上太空」，並暗寸Avis誘o靚模上床。問她會否生氣？她大方回應：「我冇嬲，好開心。喺咁多人面前帶我上太空。」
另她前日於微博氣沖沖地說：「你懂不懂甚麼是尊重啊？！無恥！」問她為甚麼事而動氣？她明顯不欲多談，只表示當時因工作事宜而生氣。文：名人組