王維基晒冷按摩師侍候

「香港電視」昨派出近130名台前幕後參賽，藝員佔廿多人，如梁小冰、唐寧、元華、郭峰等，但因賽事屬無綫直播，作為對手的「香港電視」旗下眾人只能在隔籬公園受訪。老闆王維基雖沒落場，但於清晨六點半便陪眾人一起拉筋，藝員跑畢後即有7名按摩師侍候兼有自助餐款待。負責跑10公里賽的梁小冰慶幸能在兩小時內完成賽事：「好感激公司嘅熱情款待，我跑完有好多人拍手，仲叫我坐低按摩，連自助餐都有，士氣好好，（冇得在場內受訪覺難受？）冇所謂啦！」王維基亦未有介意被迫在場外受訪：「大會安排嘅，（唔公平？）呢個係健康活動，（同無綫對抗？）我哋一早報名，只希望員工健康。」