Mandy Lieu靈修似遊魂
名模Mandy Lieu昨日以魚網黑絲兼低胸造型出席日本名著名插畫師Yuko Shimizu簽名會，同場還有星級化妝師Gary Chung即場示範最新流行時尚彩妝。
Mandy表示早前到了印度靈修，領會到新觀點，透露被當地師傅覺得她經常遊魂，她直認說：「師傅話我似小蝴蝶咁經常遊魂，我都覺得係，返到嚟都會繼續發白日夢，有新屋、新男友！」問到可有遊覽當地名勝？她說：「有呀，（治安唔好？）之前契媽都有話多劫色案，不過去到發現又唔係咁差。（多猛男？）全部都好瘦，瘦過我！當地漁夫多。」至於心境比以前不同，問物色男友準則可有不同？她表示：「求feel，開心最重要。（新一年會否進取啲？）我一向都係進取型，哈哈！」
