陳細潔雪上飛馳貼錢買難受

鯊魚女陳細潔（Abbie）每年都會在農曆新年期間到法國滑雪，今年還首次試玩恨了多時的雪上電單車，但結論卻是貼錢買難受，Abbie說：「其實想玩好耐，但好難book，今年終於可以玩到，點知遇着大風雪，戴咗頭盔就睇唔到路，所以要打開頭盔的玻璃篷，但啲雪打落塊面同眼度好痛，而且同揸電單車完全唔同，辛苦好多，每次轉彎都要用盡全身力，玩咗半小時已經冇晒力，咁大雪又睇唔到風景，之後仲有啲作病，可能被風吹得厲害。」
陳細潔恨玩雪上電單車，今次終於一償心願。
陳細潔恨玩雪上電單車，今次終於一償心願。

Abbie之後再到倫敦探望姪兒及到巴黎探朋友飲飲食食，她謂雖然多次到倫敦，但還是首次遊景點，與姪仔去倫敦摩天輪和大笨鐘：「坐在摩天輪上，35分鐘才轉一個圈，轉得好慢。不過多角度看倫敦夜景，算是另一種感覺。」

此外，Abbie公司雪肌蘭今年第八年邀請鄭嘉穎擔任旗下產品代言人，並於日前拍攝硬照廣告，嘉穎西裝造型配襯bow tie，以斯文、型仔look上陣，又擺出多款型爆甫士，不少工作人員都被他電暈，爭相與他合照，而Abbie與姊姊陳小寶亦專程探班，兩人大讚嘉穎稱職又專業。

陳細潔還到倫敦遊大笨鐘。
  • 陳細潔還到倫敦遊大笨鐘。
鄭嘉穎官仔骨骨，連陳小寶（左）及陳細潔兩姊妹都被吸引。
  • 鄭嘉穎官仔骨骨，連陳小寶（左）及陳細潔兩姊妹都被吸引。