呂慧儀揀女請教老公
徐子珊、謝天華與呂慧儀前晚為賀歲片《2013我愛HK恭囍發財》到戲院謝票，以感謝粉絲入場觀賞該片，對於無綫有意杯葛下月舉行的壹傳媒旗下刊物頒獎禮，子珊透露暫未收到公司通知，但一切會聽從公司安排。子珊指新劇預計於下月尾完成，寄望屆時有機會搵真銀，她謂︰「呢排開工好難抽時間搵錢，我都要供樓同父母起居飲食開支，所以依家開始有啲工作傾緊，我擔心客戶淡忘我，所以都要出吓嚟，話畀大家知我就嚟拍完嘞！」
而呂慧儀則表示本周日元宵節當晚將為華姐任評判，未能與老公共度佳節，笑指自己揀港男有豐富經驗，相反揀靚女屬首次，稍後會請教老公，更謂︰「我西方情人節都冇一齊過，反而同幾個女仔去日本學滑雪，老公一早識所以冇去。」至於天華就透露已收到公司通知，建議他們不要出席下月的壹傳媒旗下刊物頒獎禮，他謂︰「相信有合約嘅藝人都收到，我會尊重公司旨意去做。」