徐子珊領軍 決戰馬拉松
盛傳「電訊魔童」王維基旗下的香港電視（HKTV）將獲政府發免費電視牌，但有HKTV員工爆料指王維基對第一波的八套劇集質素不滿，打算請外援急求好劇本打仗。另王維基再向無綫作挑戰，派出25名藝人參加周日舉行的馬拉松賽事，而無綫除派花旦徐子珊出戰外，正尋其他一線藝人出席跟HKTV撼過。
有「電訊魔童」之稱的王維基創立HKTV，盛傳將獲政府於3、4月發免費電視牌照，有員工爆料指，王維基看完第一波自家製八套劇集試片後，對於劇集質素和配套甚為不滿，有機會重新洗牌。
據了解，王維基為解決劇本質素問題，打算聘請外援為寫劇本，暫停止內部班底創作。有員工更指，HKTV第二波劇集如惠英紅、黃芷晴、梁小冰主演的新劇都只是象徵式開機。而黃日華與鮑起靜主演的新劇《歲月樓情》仍未開拍，記者致電黃日華的助手，他直認《歲》劇仍未開工：「原本係3月開，依家話改4月，但都未有新資料畀到我哋！」
狂燒1.6億元
王維基早前指會維持劇集每集製作費100萬元，以每套平均20集來計算，HKTV至少已燒1.6億元。創作總監林少枝接受電話訪問時，被問到是否對之前所拍的劇集不滿意？她說：「其他唔可以回應，不過改動都係政策上嘅嘢！」而無綫集團總經理李寶安則表示，無綫之門為舊員工長開：「舊同事困難我哋一定會照顧，其實我之前已勸過佢哋要小心，因為我有幫手睇過份約！」香港電視老闆王維基昨日於電話坦言的確有在外面物色劇本：「對於話我不滿自家創作嘅劇集，部分係啱嘅，不過有啲同事誤解咗，我對公司編審工作好滿意，其實只係佢哋創作期長咗，而啲導演唔可以冇嘢拍，所以叫佢哋出面搵劇本返嚟拍。」
力邀一線藝人
另一方面，王維基已決定出動旗下25名藝人，與無綫於周日舉行的馬拉松比賽上再度決戰，當中較為有名氣的只有唐寧和梁小冰，無綫暫只派一個徐子珊，原來子珊本已報名參加十公里賽事，可是因為拍劇太累，所以臨時縮沙，只會畀面撐開步禮，她說：「跑馬拉松？我唔知喎！要我行十公里都頂唔順！」但據知無綫方面十分重視今次與的對決，正力邀旗下一線藝人出席。
採：影視組
文：專案組