卿卿爆老公撩志偉劈酒
之前備受經濟陷困景之報道困擾的葉玉卿，其美國華裔商人老公胡兆明（Jeffrey）位於羅省的超巿分店昨日開張，卿卿與丈夫和長女胡芷茵（Victoria）特別飛往剪綵，卿卿並澄清經濟陷困境之傳聞，表示丈夫有其生意戰略。她又爆老公撩曾志偉劈酒，如勝出就允許卿卿復出拍劇。
去年卿卿返港探母親才趁逗留期間拍賀歲電影《2013我愛HK恭囍發財》，惜惹來經濟陷困境之負面報道而影響其夫Jeffrey聲譽。事過境遷，卿卿昨日為老公於羅省的超巿分店開張剪綵，現場更有三名當地巿長向Jeffrey頒感謝狀，卿卿坦言負面傳聞對老公的確有影響，幸真金不怕紅爐火，加上美國經濟恢復得快，配合老公生意戰略，超巿分店得以重開：「原本喺羅省有7間超巿，但因經濟不景大氣候，有3間倒閉，但我老公有生意戰略，冇錢賺就要止蝕閂門，好彩美國經濟恢復快，依家開番1間，睇好羅省呢個地方，遲啲會再開。」
酒庫藏酒任揀
為保老公Jeffrey聲譽，雖然曾志偉和無綫高層樂易玲力邀拍劇，卿卿都婉拒，但Jeffrey很喜歡志偉為人，故向對方下酒量戰書，要是志偉可飲得贏他更允許卿卿拍劇。卿卿昨日接受長途電話訪問時說：「我剛在電話正式向樂易玲推咗個劇，但老公都好鍾意志偉，見佢成日飲酒都飲到被抬出嚟，所以向佢下戰書，叫志偉嚟美國畀佢落酒庫任揀，如果飲得贏佢就畀個機會喎。不過志偉輸梗，因我老公好飲得，平日飲7支紅酒、3支白蘭地都唔醉！」
文：影視組