關詠荷率全組侍候拍檔

Bobby因入院而暫時停拍新劇《情逆三世緣》，其拍檔兼好友關詠荷昨日為《情》劇繼續開工時透露：「佢（Bobby）打咗嚟報平安（指出院），套劇拍埋今日就停廠，等埋Bobby，3月5日再開工。佛山外景就延遲咗成個月，到4月5日再上去拍。」關詠荷指雖然劇集進度受阻，但最重要是人沒事，Bobby若開工，全組人也會服侍他，不會讓他太操勞：「今次佢好傷，最大件事個肺就已經ＯＫ，但插喉喺血管都會整到，都要慢慢康復。」問她會否跟Bobby開無酒派對慶祝？她笑說：「睇情況，到時淨係飲水。」劇中演Bobby母親的朱晨麗則笑言：「今次大步檻過，開工時我會負責斟茶遞水，服侍番『囝囝』。」