白健恩（小白）和陳卓宏日前到電台宣傳合唱的新歌《DON'T BOTHER》，歌詞內容正配合小白心境：「情人節就算冇拖拍，同朋友過都可以好開心。我入咗行兩年都冇拍拖，其實想揀圈外女仔多啲，如果大家都係呢行會忙到冇時間見。」看來想和緋聞女友莊思敏撇清關係。
因演奸角彈起的小白笑言有次出席一個晚宴，被十幾個婆婆「圍」：「佢哋一齊衝埋嚟，仲以為佢哋想打我，點知個婆婆摸住我塊面笑住話：『呢個衰仔嚟o架，打佢啦。』之後又讚我靚仔同埋做得好。」
