黃煦齡唔做護士挑戰幕前
無綫娛樂新聞台女主播黃煦齡（Natalie）的中文名經常被人讀錯，但Natalie說：「我好鍾意我個名，和煦（音：許）陽光，有陽光同開心嘅意思，同我本人一樣。未入無綫前，我喺加拿大讀書，打算畢業後做婦產科護士，2007年參加《超級新星全能藝人選拔賽》攞咗最受現場觀眾歡迎獎，我發現自己更滿足於帶歡樂畀觀眾，2011年返香港加入咗TVB，起初訪問明星，我驚到手心出汗，愈來愈覺得呢份工作有挑戰性，後來有機會拍劇，兩樣工作我都鍾意。」
她又說：「現實中我好怕醜，如果拍劇，我想試吓做女強人，因為我份人好怕事。（怕事點做婦產科？）所以屋企都唔贊成，媽咪驚我辛苦，依家做咗呢份工，佢哋都幾開心。」