Jeana蜜運被玩 尷尬反擊

何佩瑜（Jeana）、陳靜儀（Mia）、盧頌之（Dada）、黃雪瑩（Suki）日前獲主持人廖嘉輝（Luke）邀請來到《娛樂onShow》，一同分享蛇年大計！穿上低胸裝騷事業線的Jeana表示：「我覺得自己好幸運可以生存到2013年，而2012年我都搵到我嘅人生目標！」此時Luke靈機一觸，並拿她的戀情開玩笑：「同埋你有咗滋潤，所以係開心啲！」Jeana聽後，則扯開話題說：「因為我買好多支潤唇膏，哈哈！」

至於模媽Mia去年是非多多，除曾與陳偉成（Avis）傳緋聞外，又被傳整容，不過Mia一於少理，並期盼以樂天的心度過每一天：「我覺得過咗2012世界末日之後，個人睇開啲，最緊要每日開心！2012年係我事業嘅新起點，希望2013年Keep住多啲工作做。」

Dada澄清冇釣金龜

Dada則趁機澄清釣金龜婿之說：「唔係啦！我有固定男友！」雖然Dada曾到內地拍劇賺人仔，不過她卻無乘勝追擊之意，她說：「之前我喺內地拍劇病得好辛苦，所以有少少陰影，依家就籌備緊一套功夫武打戲。」問到Suki會否希望像Dada般往內地拍劇吸金？她即說：「我鍾意去玩多啲！最想係做旅遊節目，一次過做到襯衫、潮流、影相等我想做嘅嘢！」

採訪：專案組

場地：The Bali