孫穎裙下臣眾情人難求
「鋼琴公主」孫穎在農曆新年與朋友到越南旅行，她表示當地的新年氣氛頗濃，她說：「我買咗好多漆器，店主主動減價好多，唔好意思唔買，就當振興當地經濟。」孫穎出門前在花巿買了一棵桃花，問她是否想有姻緣？她否認：「唔係，報紙話今年桃花貴咗一倍，好多人買，所以湊熱鬧買埋一份。（有冇追求者？）追求者成日都有，但情人難求，因為長時間相處係難事，做朋友好啲，藝術家唔適合婚姻生活，而且我冇準備去做媽咪。」
孫穎透露三月會為有「小鄧麗君」之稱的侯小媛開個唱，八月會帶同150名天才兒童到克羅地亞參加音樂會，她大讚：「小媛係『尋找鄧麗君傳人』比賽冠軍，第一次喺香港開個唱，雖然佢喺香港嘅曝光率唔算高，而且宣傳仲未出，但已經賣咗一半飛，反應好好。」
