劉晨芝有「褲」同享賺大錢
「亞洲版Beyonce」劉晨芝（Adrienne）今年農曆新年返美國度過，此行她除了返美過年，亦順道為其時裝店入貨，最近她更與某品牌Crossover了一系列的牛仔褲，以窩釘及Bling Bling設計為主，外國長大的她都知道「褲」跟「富」同音，笑言着她的褲可過肥年：「有個富字嘅祝賀詞我淨係識大富大貴，祝大家新一年賺大錢，財源廣進！」
首次擔任設計師的她更有「褲」同享，打算將這些四位數的牛仔褲送給圈中好友，順便可以幫她宣傳：「呢啲褲嘅金同銀都係堅，所以條褲都幾重下，我已經同一啲好友包括Rosemary同岑麗香講咗，會送畀佢哋，佢哋着住又可以幫埋我宣傳！」