黃智雯冇晒桃花工作填空虛

已過了幾個單身情人節的黃智雯，湊巧於工作度過特別日子，可謂別具意義。年幼時的智雯異性緣旺盛，即使戴上厚厚的眼鏡，但仍成為不少男同學仔仰慕對象，不過她自卑心作祟多番逃避，故伊人笑言往後日子要努力，吸納多一點異性眼光！

無綫小花黃智雯去年大豐收，於年尾一箭雙鵰連奪兩個獎項，為事業展開另一個里程碑，劇集一部接一部，發展相當順利。不過愛情方面，自結束上一段感情後，智雯一直單身多年，雖然沒有愛情滋潤，但伊人未見半點愁容，因工作上得到的滿足感，填補了心靈上的缺憾。

聖誕節、情人節等浪漫日子，對智雯來說與平日無異，因該些日子幾乎於工作中度過。問是否不追求浪漫？她笑謂：「咁又唔係，其實浪漫可以好簡單，兩個人一齊煮嘢食，傾吓偈都得，享受過程嘛！以前細個會整蛋糕同朱古力畀男仔，又試過自製卡，都幾Sweeto架！呢啲嘢好多女仔都會做，係一個難忘回憶。」

原來年幼時的智雯異性緣不俗，試過有男同學仔於圖書館傳紙仔給她自我介紹，亦有人透過同學「搭路」認識她，令智雯不懂反應。她笑謂：「因為家族遺傳，我好細個已經戴好厚嘅眼鏡，手腳又多毛毛，成個毛孩咁，個樣都幾薯o架！（有冇識到一、兩個？）當然冇啦！因為覺得自己唔靚，邊有人鍾意o架！所以冇理會到，哈哈！」

可能當年耗盡了桃花運，故長大後的智雯拍拖次數不多，幸而伊人性格夠樂天，笑言貴精不貴多。她謂：「緣分上天自有安排，急唔嚟。人愈大愈覺得心靈上溝通緊要過一切，畀你靚仔又有錢又點，可能係一個花心男呢！」

文：影視組

場地：逸東酒店

黃智雯冇晒桃花 工作填空虛