江若琳回鄉探親 好過搵情人
江若琳（Elanne）近年主攻內地市場，與家人見面少之又少，孝順女的她早前趁新年，特別向公司請假陪父母回鄉探親，適逢2月14情人節是年初五，Elanne表示雖然沒收到追求者鮮花及禮物，但可與家人度過甜蜜佳節實在難能可貴，親情比愛情更重要。
身在內地拍劇的Elanne半年前向公司申請新年假期，公司有見Elanne近年在內地日拍夜拍，決定放她數日假，出名孝順的Elanne一早決定陪父母返廈門鄉下探親，已有數年沒返鄉下的Elanne說：「好難得可以陪屋企人，加上爺爺、嫲嫲、婆婆年紀開始大，唔知見到幾多年，所以好早就同公司請假。」
問到情人節有否收到追求者鮮花？Elanne坦白說：「冇，當日喺鄉下，見到好耐冇見嘅親人，我覺得咁樣仲開心。（有冇唔開心？）冇喎，反而好開心，因為好多年冇同屋企人過情人節，好似一家團聚咁，咁樣仲開心，當然好恨遇到個，冇遇到同屋企人過都好開心。」Elanne直言希望日後的另一半可與其家人一齊過情人節，她說：「如果第時搵到個男仔，唔會要求情人節單獨見面，佢願意陪我同埋屋企人過，我會覺得佢好偉大。」
遭老人家催婚
Elanne承認不時遭爺爺、嫲嫲、婆婆催婚，她說：「以鄉下嚟講我屬於遲婚，不過今年佢哋好戥我開心，見我喺內地有新聞加角逐『金像獎』影后，完全避開結婚話題。」首次角逐「金像獎」影后的Elanne透露獲老人家鼓勵，她說：「佢哋唔想畀壓力我，只係話有提名已經好好。」
髮型：James Lee@HAiR
化妝：Maggie
場地：HAiR@又一城
文：音樂組
攝：劉智源