葉翠翠肉膊 人人爭住睇

無綫藝員葉翠翠去年受腳傷影響要停工,新的一年她認為首要身體健康,繼而愛情事業兩得意。她在新劇分別與楊明及張國強有床上戲,露膊上陣的她不怕觀眾將集中力放在這兩場戲,揚言愈多人睇她愈開心!

去年葉翠翠於內地拍無綫劇集《金枝慾孽(貳)》時跌倒,令右腳腳掌骨裂,返港後又在家跌倒搞到背部骨裂,認真禍不單行!

拿拿聲有桃花

所以一講到蛇年願望,翠翠諗都唔諗就話最緊要身體健康:「今年應該會好啲,有咩衰嘢都喺舊年發生晒,最大願望係每日都開心,桃花就拿拿聲有,唔好再等!」日前她特地試食好意頭的菜式「發財竹笙如意卷」,期望新的一年發財又如意。

同楊明演得放

翠翠在民初劇《初五啟市錄》中飾演一個滿口大話的女騙子,見人就欺騙,她分別與楊明及張國強有床上戲,與張國強的床上戲搞笑成分居多,與楊明的就較為認真,所以拍攝時翠翠都很緊張:「平時同男仔坐得埋啲都驚,今次豁出去,演得好放!」她瞓身露膊上陣,亦不介意觀眾將焦點放落這場戲,她說:「都拍咗啦又點會介意,最好佢哋日日捕住個電視等睇。」她笑言拍這場戲時,服裝間的工作人員都圍住部電視睇「直播」,令她哭笑不得。

文:專案組

場地:翰騰閣@又一城