周柏豪敏感時刻冇搵余文樂

周柏豪昨日出席活動，被追問兩位好友余文樂和吳雨霏（Kary）秘戀拍拖遊英國？柏豪即言：「都唔知係咪真！（打畀佢哋？）喺咁敏感時刻唔方便接觸啦。（好匹配？）咁做朋友OK，大家都鍾意潮流嘢。（緋聞女友過檔咗畀阿樂？）唔好咁講。（連何超蓮都過檔咗畀吳克羣？）吓，又關我事，如果真係都好，拍拖係開心事。」

而區文詩（Angela）在另一活動被問到「樂霏戀」，她謂：「係唔係真都冇理由喺我把口度講，我唔係佢哋代言人。」Angela讚兩人「郎才女索」很匹配，而她和Kary每日都有通電，Kary亦知道有關她的新聞。