秋生聞阿樂拍拖：邊個吳雨霏

黃秋生、楊千嬅、與導演邱禮濤、劉偉強和冼國林，昨日出席「第37屆香港國際電影節」記者會，被問到余文樂有傳與吳雨霏拍拖兼外遊中，黃秋生表示不知道，還反問：「邊個叫做吳雨霏呀？（係歌手。）我唔睇電視、報紙和雜誌，又唔聽歌。（香港女歌手，叫Kary。）我聽莫扎特、柴可夫斯基。（阿樂冇同你講？）我個仔都唔會同我講啦，你都唔會同男性朋友講今晚去咗邊度開房啦。（恭喜佢？）又唔係結婚。去餐廳食餐飯恭喜咩？買咗間餐廳開張就話啫。」

唔怕「葉問」比較

另外，秋生主演由英皇電影和國藝影視聯合出品的電影《葉問-終極一戰》，成為今屆電影節的開幕電影，問到秋生會否擔心其葉問角色被拿來比較，他說：「大家度、量、衡都唔同。」另有指明年金像獎頒獎禮極有機會由多個「葉問」爭男主角，他說：「『困』咪『困』囉，你有你打我有我打。」

「樂霏」拍拖遊英國，近日成為城中熱話。

千嬅以電影節大使身份出席記招。

「造人」要講緣分

楊千嬅以電影節大使身份現身，透露早前與丈夫丁子高到了泰國旅行，問到是否再造人，她說：「未咁快，要調理好身體先，呢個係自己想嘅，但要講緣分。」對於電影拍檔余文樂與吳雨霏傳緋聞，她說：「我未問佢。如果係真，戥佢開心。聖誕前仲話要我介紹女朋友，可能未夠三個月，怕小器唔講，唔怪得嗰時成個懷孕樣咁。（合襯？）幾襯o架，兩個都走潮流尖端。吳雨霏好可愛，性格好好。（有點意外？）娛樂圈冇咩意外。」她笑言不知余文樂還會否拖她踏上金像獎的紅地氈，她說：「我都係Auntie，應該任何人都唔會呷我醋啩。」另外，早前她與陳奕迅、梁漢文和林夕等人飯局聚會。

余文樂與吳雨霏遊英倫時也會到潮人集中地磚頭巷逛。

千嬅、黃秋生、邱禮濤、劉偉強和冼國林一齊碰杯。

文：影視組