周家蔚未坐滿月趕吸金

周家蔚自上月誕下兒子TJ後，昨日首度出席活動賺奶粉錢，仍未坐滿月的她上圍明顯Cup數激增，笑言身材「前所未有咁澎湃」，她透露老爺洪金寶已為兒子改名洪大仁，還踢爆老公洪天明湊仔雞手鴨腳：「佢唔識掃風，搞到阿仔噴奶！不過佢真係好錫個仔，前幾日喺大陸拍完戲返屋企就攬住個仔係咁錫，我忍唔住同佢講『不如你錫吓我啦』！」家蔚自言因奶水不足，要用奶粉輪流餵。