岑麗香過農曆年嗌得意
「新一代女神」岑麗香（香香）雖然擁有鬼妹仔性格，原來她亦鍾情農曆新年的傳統文化，惜因工作繁忙錯過了行年宵，不過她卻大讚春節習俗得意：「以前屋企人派利是畀我，我會將佢放落枕頭底，雖然我唔知點解要咁做！同埋我又會喺新年嗰陣唔剪頭髮、過年前執屋等等，我唔係迷信嘅人，但會照做。」荷包腫脹的香香遺憾今年只可以透過電話給家人拜年。
去年香香在台慶頒獎禮上三料提名，無奈失落獎項，她說：「我唔會去計算獎項，最重要係拍戲過程中學到啲乜、點樣去進步，攞獎只係bonus。」春節期間她還要把握時間刨劇本呢！