梁小冰貼住舞男：又慶又濕
藝人梁小冰與白健恩（小白）早前為《彩色青春A-Go-Go新春響屯門演唱會》綵排，小冰透露將增添多首新曲：「所有舞蹈、歌都要排過，雖然冇乜時間，但超好玩，真係我夢寐以求。」小白即大爆她坐男舞伴大髀，小冰High爆道：「我簡直係燒着！跳完之後好慶，濕晒！仲要貼住扭嚟扭去，係我好想做嘅嘢！齋唱實在太Dry，所以我同導演要求同四位猛男一齊跳舞、演戲。」
問跟前輩合作如何？被反指是音樂劇「前輩」的小白說：「我哋同學仔嚟，一齊上戲劇堂！有機會同台演出好開心，合作過好幾次，默契愈來愈好，感覺好舒服。」小冰又笑言在「緣分的安排」下，看到他在劇中強暴高海寧一幕，但真人原來好怕醜！