杜汶澤溝女唔想老婆知
杜汶澤昨日為其個人talk騷《咔啦騷》宣傳，透露三場門票早已沽清，但決定不會加場，年中將進行巡迴演出，暫定會到澳門及澳洲等地，由於內地審批需時又嚴謹，預計內容會由兩小時遭刪剪剩十多分鐘，故經研究過後，認為於內地演出可能性不大。
問到太太田蕊妮會否捧場，阿澤抵死表示三場騷的酬勞也不及為王晶拍半部電影，故得悉阿田於其首場有工作在身，也速請對方搵錢為上，更謂：「經濟學上嚟講就梗係支持佢返工，同埋個騷講好多我細個溝女嘅嘢，佢唔嚟都好，當中亦牽涉第三者，之前喺屋企綵排都唔敢讀出聲，老婆叫我做一次出嚟，佢畀意見我，我咪話到時先算，所以我都係安排佢最後嗰日睇。」
而嘉賓方面，阿澤坦言已邀請了汪明荃及吳君如，不過君如卻因為不在港未能捧場，故阿澤有意把內容稍作改動，他說：「佢唔嚟梗係寫衰啲，同埋會邀請合作過嘅女星做嘉賓。」對於余文樂被指與吳雨霏拍拖，阿澤聞言不忘揶揄對方：「佢咁識食，真係唔知，吳雨霏身材好，條腰幼到扭下扭下，我都鍾意佢。」