Mia斷聯絡寧願陪仔女
早前與陳偉成（Avis）傳緋聞兼爆出疑似「床照」的周秀娜師妹模媽Mia，昨日於電話中直言新年期間未有與Avis聯絡兼拜年︰「新年我梗係陪屋企人同自己對仔女，之後又去咗旅行，無時間搵佢。（依家仲有冇聯絡？）冇啦，我有時間都陪屋企人。」
至於因合拍內地古裝劇《唐朝浪漫愛情》而跟娜姐傳出緋聞的方力申，早已向女友Stephy（鄧麗欣）大派定心丸，故問到小方農曆新年可有相約Chrissie見面時，他坦言：「我梗係冇見過周秀娜啦，點會見呀，我成日都拍戲。」緋聞之後見面可會尷尬？小方謂：「點會，假嘅嘢邊會尷尬o架。」