諸葛懵盛盛 唔記得換封
第一年以薛太身份派利是的名模諸葛紫岐，大爆自己最愛入利是錢，家中的一切新年布置及入利是都由她一手負責。
諸葛紫岐（Marie）自上年三月下嫁Neway二少薛嘉麟，每次都以甜到漏的笑容示人，大晒幸福，初為人婦的Marie表示第一年以薛太身份派利是覺得好開心：「以前自己派一封，就收一份祝福，依家要派多封，即係會收到兩份祝福，感覺好特別。」
入利是好好玩
Marie直言細個好鍾意幫媽媽入利是：「細個見到有咁多錢，覺得入落利是封好好玩，依家結咗婚，入利是都係由我負責，老公畀咗『薛』字利是封我，我問佢做乜？原來係畀我入利是，我唔記得自己要換利是封。」
用碌柚葉沖涼
雖然Marie曾在外國讀書，但對新年的傳統習俗做到足，除了家中要貼揮春，最重要用碌柚葉沖涼，年初一要着新衫同新內衣，希望新一年順順利利，好意頭。她更透露：「年初一向奶奶拜年，年初二同年初三都係食飯同打牌。（係咁食怕唔怕肥？）唔怕，因為我鍾意食嘢。（點解唔去旅行？）之前去得太多，要休息吓。（係咪要努力造人？）一切順其自然。」
文：名人組
髮型：Jamie Lee（又一城 HAiR）
化妝：Khaki