細細粒食硬裴勇俊
肥妹仔陳嘉佳（小寶）在《老表，你好嘢！》飾演細細粒一角成功彈出，憑開心笑容擊退一眾女神，現實中未嘗戀愛的她，期望在《老表》續集加插感情線，覓得夢中情人韓星裴勇俊！小寶笑說：「其實劇中有幕講我打電話去冧音樂比賽對手Kimchi，唔知係咪預留伏線？（想搵邊個做情人？）如果講吓就有，我想要裴勇俊同玄彬！」
至於惡人形象深入民心的黃光亮在《老表》展現鐵漢柔情，與「夢露老師」朱咪咪大玩電影《天若有情》經典場面，他謂：「咁多年慣咗平淡生活，一時間唔適應要面對咁多傳媒，不過依家啲戲癮開始出番嚟！」《老表》計劃開拍續集及電影版，黃光亮表示樂意與王祖藍再續父子緣。
