任達華興起燒爆竹 琦琦：一齊發
任達華和名模太太琦琦與女兒任晴佳往上海過新年，抵埗時上海正下雪，至年廿九天氣轉好，放晴並融雪，感覺蛇年好運氣，前晚他們吃過團年飯後，夫婦倆與朋友到華哥在上海開設的酒吧消遣，華哥興之所至在酒吧所處的公園內大放煙花、燒「長蛇」爆竹，琦琦不敢燒爆竹，站在一旁齋睇說：「爆竹燒咗幾分鐘，爆起來好響，『發發聲』好有意頭，寓意大家一齊發！」
琦琦派給長輩及女兒的利是已經有六位數字，女兒更已逗了過百封利是：「佢鍾意睇書，新年流流唔講『書書聲』，佢會用利是買book。（有冇發新年財？）今晚食完飯會喺屋企玩魚蝦蟹，老公會做娛樂部長，剛剛同女玩變魔術，用啤牌切水果，哈哈！」
