周秀娜徵婚 勁冧金城武
剛甩拖的周秀娜蛇年單身度過，但無損她心情於大年初二跟大家拜年，希望大家跟她一樣蛇年事事順利。趁農曆新年假期，娜姐享受家庭樂，直言非常快樂。踏入蛇年更決意重新開始，懶理舊愛向前看，接受男士的追求，她笑言希望蛇年有著落，她說：「大家可以追我，我的擇偶條件係靚仔外，仲要有味道。」她笑言想搵金城武做伴侶：「最理想梗係金城武啦，佢好吸引，可以做埋我老公，呢個係我新年願望，哈哈！」
財政交畀哥哥
娜姐愛情雖重新起步，但事業就越做越勁，去年電影加代言喪吸金，荷包脹爆的她直言今年加碼，準備六位數利是「派街坊」，她說：「今年準備六位數利是，會派畀家人、朋友和同事，當然如果大家在街上撞到我，我都會派畀大家。」她又非常識做向代言及股東之一的內衣品牌同事派「大利是」，非常大手筆。
問今年是否過肥年？她直言不太清楚去年搵幾多，她說：「我人就瘦了，其實我唔係好清楚搵幾多，冇特別去理，財政都係交畀哥哥理。」而娜姐農曆新年後即要為與杜汶澤合作的電影開工，其後再接受動作片，難怪她笑言蛇年最希望放假休息兼陪家人，她說：「我想放一個星期假抖下，之前工作成日飛，所以想留在家陪屋企人，咁就係我真正的休息。」
文：專案
組攝：吳文聰
場地：Lamiu