羅仲謙Toby套房蜜會 吔情人餐
羅仲謙撇低女友楊怡，與人妻梁靖琪（Toby）於情人節「卿卿我我」！謙仔笑說與Toby在新劇中有接吻戲，他不怕女友呷醋，二人日前在主題樂園感受情人節氣氛，並在甜蜜套房享用情人節大餐，冧到爆！
楊怡、羅仲謙正為《On Call 36小時 2》開工，今個情人節，他倆可奉旨拍拖開工，難怪他稱連禮物都未有準備。
這邊廂謙仔「闊佬懶理」，那邊廂卻跟Toby到樂園感受情人節氣氛，玩足一日，他說延續今日播出的新劇《戀情季節》之「餘情」：「劇情需要啫，劇中我哋有咀嘴添！今日我都有叫佢扮吓矜持，不過Toby太男仔頭啦。」
旁若無人
《戀》劇二人再演情侶，飾演明星的謙仔，與貨van司機Toby譜出戀曲，甚有童話feel，所以謙仔與Toby日前到了主題樂園感受情人節氣氛，先與米奇、米妮這對經典「情侶」拍照，又到堡壘前的桃花繞圈行桃花運，及後再到酒店享用溫馨情人節晚餐，廚師親自款待，謙仔與Toby冧到旁若無人，甜蜜於套房享用，如此癡纏投入，原來二人的「情侶」關係早有默契，因他倆非首次合作，故不用時間熱身，謙仔說：「我不嬲都慢熱，同對手唔熟好難做戲，不過Toby係男人，冇咩避忌，所以演對手冇問題，因為對手好難冇交流，我勝在了解對方底線。」
覺濕濕碎
問到他倆有否親熱戲？Toby說：「有呀，不過冇重口味，只係小激，同劇嘅糖妹見我哋錫完就嘩嘩聲，因為佢哋係新人未正式拍過接吻戲，所以覺得好勁，好在我同謙仔幾好朋友，就算唔係成日拍檔，都會係一拍即合。」
文：影視組
攝影：唐豁莊
場地：廸士尼樂園